Ankarada Əhməd Cavadın 130 illik yubileyi qeyd olunacaq

Bu gün Türkiyənin paytaxtı Ankara şəhərində Azərbaycanın görkəmli şairi, tanınmış maarifçi və ictimai xadim Əhməd Cavadın 130 illik yubileyi qeyd olunacaq.

"Report" xəbər verir ki, tədbir Azərbaycanın Türkiyədəki səfirliyinin təşkilatçılığı ilə keçiriləcək.

Tədbirdə Əhməd Cavadın xatirəsi anılacaq, onun Azərbaycan ədəbiyyatında rolundan, dövlətimizin istiqlal mübarizəsinə verdiyi layiqli töhfələrdən, həyat və yaradıcılığından bəhs ediləcək.

Milli Məclisin deputatı Əziz Ələkbərov mərasimində iştirak edəcək. O, həmçinin Ankara şəhərində yerləşən Türk Tarix Muzeyində olacaq və böyük şairin heykəlinin açılış mərasiminə qatılacaq.

Səfər mayın 6-da başa çatacaq.