Yeni Zelandiyada zəlzələ baş verib

Bakı. 30 oktyabr. REPORT.AZ/ Çərşənbə axşamı Yeni Zelandiya ərazisində 6,1 maqnituda gücündə zəlzələ baş verib.

“Report” TASS-a istinadən xəbər verir ki, bu barədə ABŞ-ın Geoloji Xidməti məlumat yayıb.

Bildirilir ki, yeraltı təkanların episentri Uonqanui şəhərindən 98 km cənubda qeydə alınıb. Zəlzələnin ocağı 227 km dərinlikdə olub.

Dağıntı və tələfat barədə məlumat yoxdur.

Bundan əvvəl Rumıniyada 5,6 maqnituda gücündə zəlzələ baş verib.