Bakı. 28 oktyabr. REPORT.AZ/ Rumıniyada 5,6 maqnituda gücündə zəlzələ baş verib.
“Report” RİA "Novosti"yə istinadən xəbər verir ki, bu barədə ABŞ-ın Geloji Xidməti (USGS) məlumat yayıb.
Seysmoloqların məlumatına görə, zəlzələ bazar günü Kovasna dairəsinin Komandau kommunasından 12 km cənub-şərqdə qeydə alınıb. Yeraltı təkanların ocağı 148 km dərinlikdə yerləşib.
Dağıntı və tələfat barədə məlumat yoxdur.
Bu gün səhər (yerli vaxtla saat 05.02) Qırğızıstanın şimal bölgəsində zəlzələ baş verib.