Yuxarı

Türkiyədə 27 terrorçu məhv edilib

Türkiyədə 27 terrorçu məhv edilib
Təhlükəsizlik qüvvələrinin keçirdiyi əməliyyat zamanı 6 terrorçu yaxalanıb

Bakı. 4 sentyabr. REPORT.AZ/ Türkiyədə həftə ərzində 27 terrorçu məhv edilib.

"Report" "Anadolu" agentliyinə istinadən xəbər verir ki, bu barədə ölkənin Daxili İşlər Nazirliyi məlumat yayıb.

Məlumatda qeyd olunur ki, Türkiyənin təhlükəsizlik qüvvələrinin avqustun 28-dən sentyabrın 3-dək keçirdiyi əməliyyat zamanı 6 terrorçu yaxalanıb, 10 nəfər silahı yerə qoyaraq təslim olub. Bununla yanaşı, terrorçularla əlaqədə şübhəli bilinən 285 nəfər saxlanılıb.

Əməliyyatlar zamanı həmçinin 16 atıcı silah, 9 əl qumbarası, 470 kiloqram partlayıcı maddə müsadirə olunub. Terrorçuların 9 sığınacağı məhv edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi