Yuxarı

Son 20 ildə dünyada təbii fəlakət qurbanlarının sayı açıqlanıb

Son 20 ildə dünyada təbii fəlakət qurbanlarının sayı açıqlanıb
Ən çox zərər çəkən ölkələr ABŞ, Çin, Yaponiya və Hindistandır

Bakı. 10 oktyabr. REPORT.AZ/ Son 20 ildə dünyada baş verən təbii fəlakətlər nəticəsində 1,3 milyon insan ölüb, 2,9 trilyon ABŞ dollarından artıq maddi ziyan vurulub.

“Report” “RİA Novosti”yə istinadən xəbər verir ki, bu barədə BMT-nin Təbii Fəlakətlər Təhlükəsini Azaltma Ofisinin (UNİSDR) məruzəsində bildirilir.

Qeyd olunub ki, 1998-2017-ci illər ərzində təbii fəlakətlərlə bağlı dünyadakı maliyyə itkiləri 251 faiz artıb. Təbii fəlakətlərdən zərər çəkən ölkələrin maliyyə ziyanı 2,908 trilyon ABŞ dolları təşkil edib ki, bunun da 77%-i meteoroloji hadisələrin payına düşür.

Təbii fəlakətlər üzündən ən çox maliyyə itkiləri ilə üzləşən ölkələr ABŞ (944,8 milyard dollar), Çin (492,2 milyard dollar), Yaponiya (376,3 milyard dollar) və Hindistandır (79,5 milyard dollar).

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi