Bakı. 18 İyun. REPORT.AZ/ NATO Rusiya ilə qarşıdurmada maraqlı deyil. "Report" TASS agentliyinə istinadən xəbər verir ki, bunu NATO-nun baş katibi Yens Stoltenberg deyib.
Polşada səfərdə olan Stoltenberg Rusiyanı tənqid edib. O, bildirib ki, Qərb dövlətləri Avropada Adi Silahlı Qüvvələr haqqında Müqaviləyə sadiq olduğu halda, rəsmi Moskva bu sənədin icrasından imtina edir.
NATO-nun baş katibi, həmçinin, qeyd edib ki, onun rəhbərlik etdiyi struktur silahlanmanın əleyhinədir.