Yuxarı

Misir "EgyptAir" təyyarəsinə terror hücumu edilməsini nəzərdən keçirir

Misir "EgyptAir" təyyarəsinə terror hücumu edilməsini nəzərdən keçirir
Şərif Fəthi: Təyyarə bütün zəruri yoxlamalardan keçmişdi

Bakı. 19 may. REPORT.AZ/ Misir Mülki Aviasiya Nazirliyi "EgyptAir" aviaşirkətinə məxsus "A320" təyyarəsinin radarlardan itməsi hadisəsində terror aktının törədilməsi versiyasını nəzərdən keçirir.

"Report" "Reuters"ə istinadən xəbər verir ki, bu barədə Misirin mülki aviasiya naziri Şərif Fəthi mətbuat konfransında məlumat verib.

Nazirin sözlərinə görə, təyyarənin terror hücumu nəticəsində vurulması ehtimalı hansısa texniki qüsurun olmasından daha çoxdur.

O, təyyarənin bütün zəruri yoxlamalardan keçdiyini də bildirib.

Qeyd edək ki, təyyarə gecə saatlarında Aralıq dənizi üzərindən uçarkən radarlardan itib. Təyyarənin göyərtəsində 56 sərnişin və 10 ekipaj üzvü olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi