Yuxarı

Katalonyada qarşıdurmalar zamanı xəsarət alanların sayı 100-ə çatıb

Katalonyada qarşıdurmalar zamanı xəsarət alanların sayı 100-ə çatıb
Dünən saxlanılan K.Puçdemon bu gün Şlezviq-Qolşteyn torpağında məhkəmədə ifadə verəcək
© AFP 2018 / Lluis Gene

Bakı. 26 mart. REPORT.AZ/ İspaniyanın Kataloniya muxtariyyətində polis və etirazçılar arasında toqquşmalarda xəsarət alanların sayı 100-ə çatıb.

"Report" RİA "Novosti"yə istinadən xəbər verir ki, bu barədə tibbi xidmətlərdən bildirilib.

Onlar arasında "Mossos d'Esquadra" hüquq-mühafizə orqanlarının əməkdaşları da var və azı 3 nəfər saxlanılıb.

Xatırladaq ki, dünən Kataloniya hökumətinin sabiq rəhbəri Karles Puçdemonun Almaniyada saxlanılmasından sonra İspaniya hökumətinin Kataloniyadakı nümayəndəliyinin, Almaniyanın Barselonadakı konsulluğunun, eləcə də Tarraqona, Lerida və Jironada İspaniya hökumətənin binaları qarşısında çoxsaylı etiraz aksiyaları keçirilib.

Etiraz aksiyalarının keçirilməsinə təşəbbüs "Kataloniya Milli Assambleyası" və "Omnium Cultural" ictimai təşkilatları tərəfindən irəli sürülüb.

Avropa orderi əsasında həbsi üçün qərar verilən və dünən Almaniyada saxlanılan K.Puçdemon bu gün Şlezviq-Qolşteyn torpağında məhkəmədə ifadə verəcək. O, hazırda Noymünster şəhərindəki həbsxanadadır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi