Yuxarı

Kanada milli parkında yanğın baş verib

Kanada milli parkında yanğın baş verib
Əraziyə 125 xilasedici cəlb olunub

Bakı. 18 may. REPORT.AZ/ Kanadanın Saskaçevan əyalətində yerləşən Şahzadə Albert milli parkında yanğın baş verib. Havanın isti və güclü küləkli olması alovun yayılmasına şərait yaradır.

"Report" "Global News"a istinadən xəbər verir ki, hazırda yanğın təqribən 17 min hektar ərazini əhatə edib, alov yayılmaqdadır.

Yanğının söndürülməsinə Saskaçevan və Albert əyalətlərindən 125 xilasedici cəlb olunub, həmçinin Ontariodan da əlavə qüvvə göndəriləcəyi gözlənilir. Ən yaxınlıqdakı yaşayış məntəqəsi yanğın yerindən 40 km məsafədə, Vaskesiu gölü ətrafında yerləşir.

Qeyd olunur ki, mayın 4-də park əməkdaşları ərazidəki otlağı bizonlar üçün təmizləmək məqsədi ilə quru ağacları "nəzarət altında" yandırıblar. Lakin iki gündən sonra külək yanğını nəzarət altından çıxarıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi