İspaniya ilin əvvəlindən 401 miqrantı xilas edib

Bakı. 3 yanvar. REPORT.AZ/ İspaniyanın sahil mühafizəsi 2019-cu ilin ilk iki günü ərzində Aralıq dənizini keçməyə cəhd göstərmiş 401 miqrantı xilas edib.

“Report” TASS-a istinadən xəbər verir ki, bu barədə çərşənbə günü Piriney krallığının Dənizdə Təhlükəsizlik və Xilasetmə Xidmətinin nümayəndəsinə istinadən AFP məlumat yayıb.

Onun sözlərinə görə, çərşənbə axşamı Cəbəllütariq boğazında və Alboran dənizində 111 miqrant xilas edilib. Çərşənbə günü isə 290 nəfəri xilas etmək mümkün olub.