Yuxarı

İraq ordusu Mosuldakı su anbarına nəzarəti bərpa edib

İraq ordusu Mosuldakı su anbarına nəzarəti bərpa edib

82

Atışma nəticəsində “Haşdi-Şabi”nin 8, “peşmərgə”nin 1 silahlısı öldürülüb, 11 nəfər yaralanıb

Bakı. 18 oktyabr. REPORT.AZ/ İraqın mərkəzi hakimiyyəti Mosul su anbarı üzərində nəzarəti bərpa edib.

“Report” "Haberler"ə istinadən xəbər verir ki, bunu “İttihadiyyə” Polis Təşkilatının rəsmi nümayəndəsi Əli Əkbər əl-Hafaci bildirib.

Onun sözlərinə görə, su anbarı üzərində Bağdadın nəzarətini bərpa edərkən “Haşdi-Şabi” silahlıları ilə İraqın şimalındakı Kürd Muxtar Əyalətinin hökumətinə bağlı “peşmərgə” silahlı dəstəsi arasında atışma olub. Polis rəsmisi deyib ki, 3 saat davam edən atışma nəticəsində “Haşdi-Şabi”nin 8, “peşmərgə”nin 1 silahlısı öldürülüb, 11 nəfər yaralanıb.

Məlumatda bildirilib ki, İraq ordusu Ninova vilayətindəki su anbarın üzərində də nəzarəti bərpa edib.

Qeyd edək ki, Mosul su anbarı İraqın ən böyük su anbarıdır. Bu süni su hövzəsi ölkənin su ehtiyaclarını ödəməklə yanaşı, enerji mənbələrinin nəzarətə alınması baxımından çox əhəmiyyətli sayılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi