Yuxarı

İlon Mask "Tesla" və "SpaceX"ın "Facebook"dakı səhifələrini silib

İlon Mask "Tesla" və "SpaceX"ın "Facebook"dakı səhifələrini silib
Onu bu addımı atmağa Twitter istifadəçiləri çağırıblar

Bakı. 24 mart. REPORT.AZ/ "SpaceX" və "Tesla" şirkətlərinin rəhbəri İlon Mask onların "Facebook" sosial şəbəkəsindəki səhifələrini silib.

“Report” xəbər verir ki, onu belə bir addım atmağa "Twitter" istifadəçiləri səsləyiblər.

"Əgər kişisinizsə, "SpaceX"ın "Facebook"dakı səhifəsini silin", - deyə istifadəçilərdən biri yazıb.

Mask buna cavab olaraq öz şirkətlərinin sosial şəbəkədə səhifələrinin mövcudluğundan xəbərsiz olduğunu etiraf edib.

Hazırda "SpaceX" və "Tesla"nın "Facebook"da səhifəsi yoxdur.

Bundan əvvəl məlumat yayılıb ki, Britaniyanın "Massive Attack" qrupu "Cambridge Analytica" analitik şirkəti ilə bağlı qalmaqal səbəbindən "Facebook"dakı profilini silib. Analitik şirkət sosial şəbəkənin 50 milyon istifadəçisinə məxsus məlumatları qanunsuz olaraq əldə etməkdə ittiham olunur.

Bildirilir ki, şirkət istifadəçilərin məlumatlarını guya ABŞ-dakı seçicilərin psixoloji portretlərini tərtib etmək üçün toplayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi