Fransanın XİN başçısı: “Tramp Avropa İttifaqında sabitliyi pozmağa calışır”

Bakı. 13 iyul. REPORT.AZ/ “ABŞ prezidenti Donald Tramp Avropa İttifaqında sabitliyi pozmaq üçün addımlar atır, ancaq Avropa buna imkan verməyəcək”.

“Report” “Russian today”ə istinadən xəbər verir ki, bunu Fransanın xarici işlər naziri Jan-İv Le Drian bildirib.

“O, (Donald Tramp – “Report”) iqlim üzrə razılaşmanı, İranın atom-nüvə proqarmı, BMT-nin fəaliyyət modeli ilə bağlı razılaşmaları təhlükəyə atıb. Onun üçün Avropanın mövcud birliyi qəbuledilməzdir. O, Avropaya, o cümlədən ticarət sahəsində münasibətdə bəzi təşəbbüslər göstərir. Ancaq Avropa sabitliyin pozulmasına özü imkan verməyəcək”, - deyə nazir vurğulayıb.