Yuxarı

“Facebook” nifrət yaradan istifadəçilərin şəxsi məlumatlarını Fransa hökumətinə ötürəcək

“Facebook” nifrət yayan istifadəçilərlə bağlı məhkəmələrə bildirəcək

“Facebook” sosial şəbəkəsi düşmənçilik və nifrət məzmunlu çağırışlar paylaşan istifadəçilərin şəxsi məlumatlarını Fransa məhkəmələrinə ötürməyə razılıq verib.

“Report” “Reuters”ə istinadən xəbər verir ki, Fransanın rəqəmsal sektoru naziri Sedrik O belə bir təşəbbüsün məhz Fransada həyata keçirilməsinin əhəmiyyətini vurğulayıb.

“Facebook” rəhbəri Mark Zukerberq ilə Fransa prezidenti Emanuel Makron arasında ötən ildən başlayaraq keçirilən bir sıra görüşlərdə dövlət başçısı nifrət çağırışları və dezinformasiyaları nizama salmaq əzmində olduğunu dilə gətirmişdi. Noyabr ayında “Facebook” Fransa istintaq orqanları ilə sözügedən məsələdə əməkdaşlıq edəcəklərini açıqlamışdı.

Bu il may ayında M.Zukerberq nifrət paylaşımlarının 65 faizinin şikayət gələnədək qeydə alındığını, qanunla qadağan olunmayan hər hansı paylaşımlarla bağlı şirkətin özbaşına qərar verməsinin düzgün olmadığını açıqlamışdı.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi