Yuxarı

Donald Tramp seçki kampaniyasının keçmiş rəhbərini prezidentin müşaviri təyin edib

Killian Konuey qalib gəlməyimdə vacib rol oynayıb

Bakı. 22 dekabr. REPORT.AZ/ ABŞ-ın yeni seçilmiş prezidenti Donald Tramp seçki kampaniyasının sabiq rəhbəri Killian Konueyi prezidentin müşaviri vəzifəsinə təyin edib.

"Report" "Reuters"ə istinadən xəbər verir ki, bu barədə keçid komandasının bəyanatında deyilir.

"Killian Konuey etibarlı məsləhətçi və siyasi icmalçı idi, o, qalib gəlməyimdə vacib rol oynayıb. O, proqramımın yorulmaz və qətiyyətli tərəfdarıdır, ideyalarımızı necə effektli çatdırmağı gözəl bilir" - D.Tramp bildirib.

Qeyd edək ki, daha əvvəl D.Tramp milyarder Karl İkanı tənzimləyici sistem islahatları üzrə xüsusi müşavir vəzifəsinə təyin edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi