Çinin büdcə gəlirləri 2016-cı ildə 4,5 faiz artıb

Bakı. 24 yanvar. REPORT.AZ/ 2016-cı ildə Çinin büdcə gəlirləri 4,5 faiz artaraq 2,33 trilyon dollara çatıb.

"Report" xəbər verir ki, bu barədə ölkənin Maliyyə Nazirliyinin məlumatında bildirilir.

Ötən il Çinin büdcə xərcləri 2015-ci il ilə müqayisədə 6,4 faiz artaraq 2,73 trln. dollara çatıb.

Qeyd olunur ki, 2016-cı ildə büdcə kəsiri 421,6 mlrd. dollar təşkil edərək, proqnozlaşdırılan göstəricini 318 mlrd. dollar üstələyib, həmçinin 2015-ci ilin büdcə kəsiri səviyyəsini ötüb.