Britaniya DİN: Rusiyanın Eymsberidəki zəhərlənmə ilə əlaqəsi yoxdur

Bakı. 5 iyul. REPORT.AZ/ Rusiyanın Eymsberidəki zəhərlənmə ilə əlaqəsi yoxdur. 

"Report" "RİA Novosti"yə istinadən xəbər verir ki, bu barədə Böyük Britaniya Daxili İşlər Nazirliyindən bildiriblər.

Xəbərdə həmçinin Rusiyadan Solsberidəki hadisə haqqında məlumat verməsinin istənildiyi qeyd olunub. 

Qeyd edək ki, Skotlend-Yardın Anti-terror bölməsinin başçısı Eymsberidə kişi və qadının zəhərləndiyini təsdiqləyib. Onlar Rusiyanın Baş Kəşfiyyat İdarəsinin keçmiş polkovniki Sergey Skripal və qızının zəhərləndiyi maddə ilə zəhərləniblər.

Bu gün Eymsberidəki hadisə ilə bağlı yaradılmış fövqəladə komitənin təcili iclası da keçirilib.