Bakı 24° C
Bakı. 19 avqust. REPORT.AZ/ Barselonada terror aktında şübhəli bilinən 4 nəfərin hamısı öldürülüb.
“Report” xəbər verir ki, bu barədə İspaniyanın "El Pais" qəzeti xüsusi xidmət orqanındakı mənbəyə istinadən məlumat yayıb.
Qəzetin verdiyi xəbərə görə, söhbət Yunes Abuyaakubedən, Musa Oukabirdən, Səid Aaladan, Məhəmməd Hiçamidən gedir. "El Pais"in məlumatında qeyd olunur ki, sonuncu 3 nəfər Kambrilsdə baş vermiş terror aktından sonra zərərsizləşdiriliblər.
Qeyd edək ki, terror aktına görə məsuliyyəti İŞİD qruplaşması üzərinə götürüb. Hadisə zamanı 3 nəfər öldürülüb, 100-dən çox insan xəsarət alıb. Öldürülənlər arasında xarici ölkələrin vətəndaşları da var.
