Yuxarı

Barselonada musiqi festivalı zamanı səhnə yanıb, 22 min nəfər təxliyyə olunub

Barselonada musiqi festivalı zamanı səhnə yanıb, 22 min nəfər təxliyyə olunub
Yanğın söndürülsə də, səhnə tamamilə kül olub

Bakı. 30 iyul. REPORT.AZ/ Şənbə günü axşam Barselonada keçirilən "Tomorrowland Unite Spain" musiqi festivalı zamanı əsas səhnədə baş verən yanğın səbəbindən 22 min ziyarətçi təxliyyə olunub.

"Report" TASS-a istinadən xəbər verir ki, bu barədə tədbirin rəsmi "Facebook" səhifəsində bildirilir.

Təşkilatçıların məlumatına görə, atəşfəşanlıq zamanı barıtın səhnəyə sıçraması nəticəsində bütün konstruksiya gözqırpımında yanıb.

Yanğın amerikalı di-cey Stiv Aokinin çıxışına bir dəqiqə qalmış baş verib.

Hadisə yerinə operativ olaraq yanğınsöndürənlər gəlib. Onlar yanğını söndürsələr də, səhnə tamamilə kül olub.

Təxliyyə sakit şəraitdə aparılıb. Xəsarət alanların olması barədə məlumat yoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi