​Bağdadda terror aktı nəticəsində 12 nəfər ölüb, 40 yaralı var

Bakı. 25 fevral. REPORT.AZ/ İraqın paytaxtı Bağdadın şiə məscidində terrorçu-kamikadzelər tərəfindən törədilən iki terror aktı nəticəsində ən azı 12 nəfər həyatını itirib.

"Report" xəbər verir ki, bu barədə yerli polis və tibb işçilərinə istinadən "Reuters" məlumat yayıb.

Hadisə nəticəsində təqribən 40 nəfər yaralanıb. Partlayış Bağdadın şiələrin üstünlük təşkil etdiyi Şulaa rayonunda qeydə alınıb.

İnsidentin digər təfərrüatları məlum deyil.