ABŞ hərbçilərini çıxarmaq üçün Suriya sahillərinə gəmilər göndərib

Bakı. 12 yanvar. REPORT.AZ/ ABŞ hərbi komandanlığı Suriyadakı hərbçilərini mərhələli şəkildə çıxarmaq üçün bu ölkənin sahillərinə gəmilər göndərib.

“Report” RT-yə istinadən xəbər verir ki, Suriya sahillərinə həmçinin göyərtəsində təxliyyə əməliyyatına dəstək olacaq yüzlərlə dəniz piyadası və helikopterlər olan “Kirsac” desant gəmisinin də yola salındığı bildirilib.

Bundan əvvəl ABŞ-ın rəhbərlik etdiyi koalisiya Suriyadan ABŞ hərbçilərinin çıxarılmasına başladıqlarını açıqlamışdı.