Yuxarı

ABŞ prezidenti Las-Veqasa gedəcək

ABŞ prezidenti Las-Veqasa gedəcək
Ölkə ərazisində milli matəm elan olunub, bayraqlar endirilib

Bakı. 2 oktyabr. REPORT.AZ/ ABŞ prezidenti Donald Tramp oktyabrın 4-də Las-Veqas şəhərinə gedəcək. 

“Report” Türkiyə KİV-inə istinadən xəbər verir ki, o, bu barədə oktyabrın 2-də keçirdiyi mətbuat konfransında məlumat verib. 

“Mən oktyabrın 4-də hüquq-mühafizə orqanlarının nümayəndələri və fövqəladə xidmətin işçiləri ilə, həmçinin ölənlərin və yaralıların ailə üzvləri ilə görüşmək üçün Las-Veqasa yollanacağam”, - D.Tramp bildirib. 

ABŞ prezidenti ölkə ərazisində milli matəm elan olunduğunu, bayraqların yarıyadək endirildiyini də vurğulayıb. 

Xatırladaq ki, oktyabrın 2-nə keçən gecə Las-Veqasda "Route 91" kantri-musiqi festivalı zamanı silahlı şəxs mehmanxananın eyvanından insan izdihamını atəşə tutub. Nəticədə 50 nəfər ölüb, 406 nəfər yaralanıb. Bu, ABŞ tarixində ən ölümcül atışma hadisəsidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi