ABŞ-da kilsədə atışma olub, ölən və yaralanan var

Bakı. 23 iyul. REPORT.AZ/ ABŞ-da kilsədə atışma olub.

"Report" xəbər verir ki, bu barədə "Fox News" polisə istinadən məlumat yayıb.

Məlumata görə, hadisə Nevada ştatında, Fellon şəhərində baş verib. Qeyd edilir ki, silahlı şəxs kilsədə bir neçə dəfə atəş açıb. Nəticədə 1 nəfər ölüb, daha 1 nəfər isə yaralanıb.

Cinayətkar bundan sonra binanı tərk edərək evə gedib. O, daha sonra polisə könüllü təslim olub. Onun bu cinayətinin səbəbi barədə hələlik məlumat verilmir.