"Sabah"ın legioneri: "İspaniya yığması DÇ-2022-də favorit deyil"

"İspaniya yığması dünya çempionatında əsas favorit deyil".

Bunu "Report"a açıqlamasında "Sabah" klubunda çıxış edən ispaniyalı futbolçu Con İrasabal bu il Qətərdə keçiriləcək mundialda ölkəsinin komandasının şansları barədə danışarkən deyib.

26 yaşlı yarımmüdafiəçi başqa millilərin titula sahib çıxmaq ehtimalının daha çox olduğunu bildirib: "Dünya çempionatında oynamaq həmişə çətindir. İspaniya kollektivi yaxşı heyətə malikdir. Düşünürəm ki, yığma yarışda baxımlı futbol sərgiləyəcək".

Qeyd edək ki, DÇ-2022 noyabrın 20-dən dekabrın 18-dək təşkil olunacaq. İspaniya E qrupunda Kosta-Rika, Almaniya və Yaponiya ilə mübarizə aparacaq.