“Qəbələ”nin futbolçusu: “Braziliya dünya çempionu olacaq”

“Əminəm ki, Braziliya yığması dünya çempionu olacaq”.

Bunu “Report”a açıqlamasında “Qəbələ”nin braziliyalı futbolçusu Felipe Santos yığma komandalarının Qətərdə keçirilən dünya çempionatındakı şanslarını dəyərləndirərkən deyib.

25 yaşlı yarımmüdafiəçi “sambaçılar”ın mundialın qalibi olacağına şübhə etmir. Santosun fikrincə, DÇ-2022-də Titenin komandasına rəqib yoxdur: “Braziliya böyük favoritdir. Mənə görə, çempionun kimliyi ilə bağlı geniş müzakirə aparmağa ehtiyac yoxdur. Hansısa komandanın çempionluğu yığmamızdan alması çətin görünür”.

Qeyd edək ki, Braziliya millisi dünya çempionatının 1/4 final mərhələsində dekabrın 9-da Xorvatiya ilə qarşılaşacaq.