Qavi Peleden sonra mundiallar tarixində qol vuran ən gənc futbolçudur

İspaniya millisinin yarımmüdafiəçisi Qavi Braziliya yığmasının əfsanəvi hücumçusu Peleden sonra dünya çempionatlarında qol vuran ən gənc futbolçu olub.

"Report" OPTA-ya istinadən xəbər verir ki, o, Qətərdəki mundialda Kosta Rikanı 7:0 hesabı ilı darmadağın etdikləri E qrupunun I tur matçında fərqlənərkən 18 yaş 110 günlüyündə olub. Qavi komandasının 5-ci qoluna imza atıb.

Pele isə 1958-ci il dünya çempionatının finalında İsveç yığması ilə görüşdə (5:2) dubl edərkən 17 yaş 249 günlüyündə olub.

Qavi dünya futbolunun tarixində ən gənc qol müəllifi olan futbolçuların siyahısında isə 3-cüdür. O, Pele ilə yanaşı, 1930-cu ildə Argentinaya 18 yaş 93 günlüyündə qol vuran meksikalı Manuel Rosasdan da geri qalır.