Luis Enrike dünya çempionatından sonra İspaniya millisindən ayrılacaq

Futbol üzrə İspaniya millisinin baş məşqçisi Luis Enrike postunu tərk edəcək.

"Report" "Marca"ya istinadən xəbər verir ki, 52 yaşlı mütəxəssis Qətərdə keçirilən dünya çempionatından sonra bu addımı atacaq.

Onu Marselino Toral Qarsiyanın əvəzləyəcəyi gözlənilir.

Qeyd edək ki, Luis Enrike 2018-ci ildən yığmada işləyir. Komanda onun rəhbərliyi altında AVRO-2020-də yarımfinala yüksəlib. İspaniya seçməsi dekabrın 6-da DÇ-2022-nin 1/8 final mərhələsində Mərakeşlə üz-üzə gələcək.