DÇ-2022-yə ən çox futbolçu göndərən klublar bəlli olub

Bu il Qətərdə keçiriləcək dünya çempionatına ən çox futbolçu göndərən klublar bəlli olub.

"Report"un məlumatına görə, siyahının ilk pilləsində Almaniya təmsilçisi "Bavariya" qərarlaşıb.

Münhenlilərin 17 oyunçusu 8 müxtəlif komandanın heyətinə cəlb olunub.

İkinci sırada İngiltərə "Mançester Siti"si ilə İspaniya "Barselona"sı qərarlaşıb. Hər iki klubdan mundialda 16 oyunçu iştirak edir.

Üçüncü pillədə ev sahibi Qətərin "Əl Sədd" klubu yer alıb ki, bu komandanın düz 15 oyunçusu dünya çempionatında iştirak etmək sevinci yaşayacaq.

İngiltərə "Mançester Yunayted"indən 14, İspaniya "Real Madrid"indən isə 13 futbolçu yarışa qatılır.

Qeyd edək ki, DÇ-2022 noyabrın 20-dən dekabrın 18-dək təşkil olunacaq.