DÇ-2022: Ronaldu Mərakeşə uduzduqları oyundan sonra ağlayıb

Portuqaliya millisinin futbolçusu Kriştianu Ronaldu Qətərdə keçirilən dünya çempionatında Mərakeşə 0:1 hesabı ilə uduzduqları 1/4 final oyunundan sonra ağlayıb.

"Report" xəbər verir ki, yarımfinala çıxa bilmədikləri üçün məyus olan 37 yaşlı hücumçu göz yaşlarını saxlaya bilməyib.

Bu, təcrübəli forvardın peşəkar karyerasında sayca 5-ci mundialı olub.

Qeyd edək ki, qarşılaşmada yeganə qolu 42-ci dəqiqədə Yussuf En-Nesiri vurub. Mərakeş yarımfinalda İngiltərə - Fransa cütünün qalibi ilə qarşılaşacaq.

️ | QATAR 2022: Cristiano Ronaldo se retira llorando de su último mundial.
pic.twitter.com/zyIBdXlTes

— Alerta News 24 (@AlertaNews24) December 10, 2022