DÇ-2022: Pele Braziliya millisinin oyununu xəstəxanada izləyəcək

Futbol üzrə üçqat dünya çempionu, Braziliya millisinin əfsanəvi hücumçusu Pele ölkəsinin Qətərdəki dünya çempionatında Cənubi Koreyaya qarşı keçirəcəyi 1/8 final oyununu müalicə aldığı xəstəxanada izləyəcək.

"Report"un məlumatına görə, bu barədə veteran hücumçu özünün sosial şəbəkə hesabında paylaşım edib.

O, vacib görüşdən öncə futbolçulara uğurlar arzulayıb: "Hər birinizə azarkeşlik edəcəyəm".

Qarşılaşma Bakı vaxtı ilə saat 23:00-da start götürəcək.

Qeyd edək ki, bağırsaq xərçəngi ilə mübarizə aparan Pelenin vəziyyətinin pisləşdiyi və artıq kimyaterapiyaya cavab vermədiyi bildirilib.