Braziliya millisinin məğlubiyyətindən sonra bir nəfər öldürülüb

Qətərdə keçirilən dünya çempionatında Braziliya millisinin Xorvatiya yığmasına məğlub olduğu 1/4 final mərhələsinin oyunundan sonra bir nəfər dünyasını dəyişib.

"Report" "Wal" nəşrinə istinadən xəbər verir ki, San-Paulu ştatının Barretus şəhərindəki ticarət mərkəzində münaqişə başlayıb və daha sonra bu, kütləvi davaya çevrilib.

17 yaşlı qız güllə yarasından vəfat edib, onun dostu isə yaralanıb.

Qeyd edək ki, "sambaçılar" Xorvatiyaya penaltilər seriyasına uduzaraq mübarizəni dayandırıb.