Almaniya millisinin aparıcı hücumçusu dünya çempionatını buraxacaq

Almaniya millisinin və "Leyptsiq"in futbolçusu Timo Verner bu il Qətərdə keçiriləcək dünya çempionatını buraxacaq.

"Report" klubun rəsmi saytına istinadən xəbər verir ki, Polşada Ukraynanın "Şaxtyor" (Donetsk) komandasına qarşı UEFA Çempionlar Liqasının qrup mərhələsinin VI tur oyununda zədələnən 26 yaşlı hücumçunun durumu ciddidir.

Sol ayaq biləyində bağ zədəsi aşkarlanan forvard cari ili vaxtından əvvəl başa vurub.

Qeyd edək ki, "Şaxtyor" - "Leyptsiq" matçı qonaqların 4:0 hesablı qələbəsi ilə başa çatıb. Timo Verner 19-cu dəqiqədə meydanı tərk edib.