Türkiyə diyanət işləri başkanı: “Azərbaycanın yanında olmağa davam edirik”

“Haqlı mübarizələrində Azərbaycanın yanında olduq və yanında olmağa da davam edirik”.

“Report”un məlumatına görə, bunu Türkiyə diyanət işləri başkanı Əli Erbaş Türk Dövlətləri Təşkilatına üzv ölkələrin müsəlman dini liderlərinin 3-cü görüşündə çıxışı zamanı deyib.

O, Qarabağ zəfərinin ikinci ildönümünün yaxınlaşması münasibətilə Azərbaycan dövlətini və xalqını təbrik edib: “Qəhrəman şəhidlərimizə Allahdan rəhmət, qazilərimizə şəfa diləyirəm. Bir daha Azərbaycanın yanında olduğumuzu ifadə edirəm”.