Şöbə müdiri: "Bəzi radikal qruplar gəncləri öz niyyətlərinin həyata keçirilməsində istifadə edirlər"

Bakı. 5 oktyabr. REPORT.AZ/ “Bəzi radikal qruplar geniş təbliğat işləri apararaq xüsusilə gəncləri öz sıralarına cəlb etməklə onlardan öz niyyətlərinin həyata keçirilməsində istifadə edirlər”. 

“Report” xəbər verir ki, bu fikirləri Dini Qurumlarla İş üzrə Dövlət Komitəsinin Dini qurumlarla iş üzrə şöbəsinin müdiri vəzifəsini icra edən Cahandar Əlifzadə deyib. 

C.Əlifzadə radikalizmin qarşısının alınmasında vətənpərvərlik, dövlətçilik amallarının, milli-mənəvi irsin, adət-ənənələrin aşılanması, dini dözümlülük və tolerantlıq mədəniyyətinin inkişaf etdirilməsi ruhunda gənc nəslin tərbiyə olunmasının vacib olduğunu qeyd edib.