QMİ sədrinin müavini Aİİ-nin məzunlarına müraciət edib: "Millətimizə öz əqidənizlə xidmət etməlisiniz"

"Siz bundan sonra xalqımıza və millətimizə öz əqidənizlə xidmət etməlisiniz. Etməzsəniz, bu illər ərzində təhsil baxımından qazandıqlarınız sizə halal olmaz".

"Report" xəbər verir ki, bunu Qafqaz Müsəlmanları İdarəsinin sədrinin müavini Fuad Nurullayev Azərbaycan İlahiyyat İnstitutunda( Aİİ) keçirilən "Məzun Günü"ndə deyib.

O bildirib ki, məzun olmaqla hər şey bitmir:

"Əsas məsələ, qazandıqlarınızı bundan sonra millət üçün xərcləməkdir. Siz insanlar üçün zərərli ola biləcək, onları kirlədəcək məsələlərdən uzaq tutmalısınız. Dini təhsildən böyük təhsil yoxdur".