​Ötən il Azərbaycanda 87 dini icmaya maliyyə yardımı ayrılıb

Bakı. 17 may. REPORT.AZ/ Ötən il ərzində Azərbaycanda fəaliyyət göstərən 87 dini icmaya maliyyə yardımı ayrılıb.

"Report" xəbər verir ki, bu barədə Dini Qurumlarla İş üzrə Dövlət Komitəsinin (DQİDK) 2015-ci il üzrə hesabatında bildirilib.

Hesabatda qeyd olunub ki, maliyyə yardımı ayrılan dini icmalardan 19-u qeyri-islam, 68-i isə İslam dini icması olub.

Ayrılan maliyyə yardımı hesabına DQİDK-nın dəstəyi ilə hesabat ili ərzində icmalar tərəfindən dini maarifləndirmə və milli-mənəvi dəyərlərin təbliği, gənclərin dini radikal təsirlərdən qorunması istiqamətində Bakı şəhərində və bölgələrdə müxtəlif tədbirlər həyata keçirilib.