Mübariz Qurbanlının Masallıda nəzərdə tutulan qəbulunun vaxtı dəyişdirilib

Bakı. 20 sentyabr. REPORT.AZ/ Dini Qurumlarla İş üzrə Dövlət Komitəsinin sədri Mübariz Qurbanlının Masallı rayonunda sentyabrın 21-də nəzərdə tutulan vətəndaşların qəbulu ilə bağlı görüşünün tarixi dəyişdirilib.

Komitədən "Report"a verilən məlumata görə, vətəndaşların qəbulu sentyabr ayının 30-da keçiriləcək. Qəbul Masallı şəhəri Heydər Əliyev Mərkəzində (Qarabağ küçəsi, 17) saat 11:00-da başlayacaq. Qəbulda Masallı, Cəlilabad, Yardımlı rayonlarının sakinləri iştirak edə bilərlər.

Qəbula gəlmək istəyən vətəndaşlardan Dövlət Komitəsinin Masallı bölgəsi üzrə şöbəsinə müraciət etmələri xahiş olunur.