Gürcüstanın din xadimləri Gəncədə səfərdədirlər

Gürcüstan Müsəlmanları İdarəsinin din xadimlərinin Gəncə şəhərinə səfəri başlayıb.

“Report”un Qərb bürosunun verdiyi məlumata görə, Azərbaycanın Gürcüstandakı səfirliyinin təşəbbüsü ilə həyata keçirilən səfər çərçivəsində qonaqlar Vətən müharibəsi zamanı Ermənistan Silahlı Qüvvələri tərəfindən Gəncədə törədilən terror hadisələrinin baş verdiyi ərazilərə baş çəkiblər.

Onlar burada şəhid olan mülki şəxslərin ruhuna hörmət əlaməti olaraq gül dəstələri düzüb, ruhlarına dualar oxuyublar.

Daha sonra din xadimlərinə ermənilər tərəfindən Gəncəyə atılan raketlər nəticəsində baş vermiş müharibə cinayəti ilə bağlı məlumatlar verilib.