​Ərdoğan: "Amerikanı müsəlmanlar kəşf edib"

Bakı. 17 noyabr. REPORT.AZ/ Amerikanı Xristofor Kolumb yox, müsəlmanlar kəşf ediblər.

"Report" xəbər verir ki, bu fikirləri İstanbulda keçirilən I Latın Amerika ölkələrinin Müsəlman Dini Liderlərinin sammitinin bağlanış mərasimində Türkiyə prezidenti Rəcəb Tayyib Ərdoğan deyib.

Ərdoğan iddia edir ki, müsəlmanlar Yeni Dünyaya 1178-ci ildə gedib çıxıblar və Xristofor Kolumb öz gündəliyində Kuba adasında təpənin başında məscid gördüyünü qeyd edir.

Türkiyə prezidenti Kuba hakimiyyəti razılıq verəcəyi təqdirdə, həmin yerdə yenidən məscid tikəcəklərinə vəd verib.