Dini qanunvericiliyin pozulmasına görə məsuliyyətlər konkretləşir

Dini etiqad azadlığı haqqında qanunvericiliyin pozulması mülki, inzibati və cinayət məsuliyyəti yaradır.

“Report” xəbər verir ki, bununla bağlı “Dini etiqad azadlığı haqqında” qanunda dəyişiklik edilir.

Qanunun 30-cu maddəsinə edilən dəyişiklikdə məsuliyyətin növləri konkretləşib.

Layihəyə əsasən, bu qanunun tələblərini pozan şəxslər Mülki Məcəllə, İnzibati Xətalar Məcəlləsi və Cinayət Məcəlləsində nəzərdə tutulmuş hallarda məsuliyyət daşıyırlar.