BMT bayrağı Papa Fransiskin vəfatı ilə əlaqədar yarıya endirilib

Nyu-Yorkda BMT-nin mənzil-qərargahında ucaldılmış bayrağı Roma Papası Fransiskin vəfatı ilə əlaqədar yarıya endirilib.

“Report”un ABŞ bürosu xəbər verir ki, bu barədə BMT Baş katibinin sözçüsü Stefan Dujarrik məlumat verib.

Onun sözlərinə görə, bayrağın yarıya endirilməsi Papa Fransiskin dünya miqyasında sülh, ədalət və dini dözümlülük naminə göstərdiyi misilsiz xidmətlərə ehtiramın ifadəsidir.

Qeyd edək ki, katoliklərin ruhani lideri Papa Fransisk aprelin 21-də Vatikandakı “Casa Santa Marta” iqamətgahında 88 yaşında vəfat edib.

Dəfn mərasimində dünyanın müxtəlif ölkələrindən olan dövlət başçıları, yüksək səviyyəli nümayəndələr və dini liderlər iştirak ediblər.