Allahşükür Paşazadə "Ana fəryadı" abidəsini ziyarət edib

Xocalı soyqırımının 29-cu ildönümü ilə əlaqədar Qafqaz Müsəlmanları İdarəsinin sədri Şeyxülislam Allahşükür Paşazadə və Azərbaycandakı dini konfessiyaların rəhbərləri faciə qurbanlarının xatirəsinə Bakının Xətai rayonunda ucaldılmış "Ana fəryadı" abidəsini ziyarət ediblər.

QMİ-nin Mətbuat Xidmətindən "Report"a verilən məlumata görə, din xadimləri XX əsrdə bəşər tarixinə Xocalı soyqırımı kimi daxil olan qanlı faciə qurbanlarının abidəsinin önünə tər çiçəklər düzüblər, faciə qurbanlarının xatirəsini ehtiramla yad edərək onların ruhları üçün dualar ediblər.