Yuxarı

Bu gecə Azərbaycanda birinci Qədr gecəsi qeyd olunacaq

Hacı Fuad Nurullah: Qurannın nazil olması bu günlərdən birinə təsadüf etdiyindən insanlar həmin gecələri ibadətlə məşğul olurlar

Bakı. 24 iyun. REPORT.AZ/ Azərbaycanda birinci Qədr (əhya) gecəsi iyunun 24-dən 25-nə keçən gecə qeyd olunacaq.

"Report" Qafqaz Müsəlmanları İdarəsinin (QMİ) Ramazan təqviminə istinadən xəbər verir ki, ilk Qədr gecəsi Ramazan ayının 18-dən 19-cu gününə keçən gecəyə təsadüf edir.

QMİ sədrinin müavini hacı Fuad Nurullah "Report"a bildirib ki, Qədr gecələrində Azərbaycanda fəliyyət göstərən məscidlərin böyük əksəriyyəti səhərə kimi açıq olur və insanlar məscidlərdə ibadətlə məşğul olurlar. Onun sözlərinə görə, müqəddəs "Quran"ın bütöv şəkildə nazil olması Ramazan ayına təsadüf edir: "Ramazan" ayının son ongünlüyündə Qədr gecələri saxlanılır. "Quran"nın nazil olması bu günlərdən birinə təsadüf etdiyindən insanlar həmin gecələri dua edib ibadətlə məşğul olurlar. Allah bütün ibadət və duaları qəbul etsin!"

Qeyd edək ki, Azərbaycanda ikinci Qədr gecəsi iyunun 26-dan 27-nə (Ramazan ayının 20-dən 21-ci gününə), üçüncü Qədr gecəsi iyunun 28-dən 29-na (Ramazan ayının 22-dən 23-cü gününə), sonuncu Qədr gecəsi isə iyulun 2-dən 3-nə keçən gecəyə (Ramazan ayının 26-dan 27-ci gününə) təsadüf edir. Bayram namazı isə iyulun 6-da (1 şəvval) qılınacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi