Aqil Nəbiyev: "Komandamızla qürur duyuram"

Azərbaycanın U-16 millisinin baş məşqçisi Aqil Nəbiyev III MDB Oyunlarında gümüş medal qazanan komandasından razıdır.

"Report" un Qəbələyə ezam olunan əməkdaşının məlumatına görə, bunu mütəxəssis mətbuat konfransında bildirib.

O, rəqibləri təhlil etdiyini söyləyib:

"İlk toplanışda hədəflərimiz finala vəsiqə qazanmaq idi. Rəqibi təhlil etmişdik. İkinci hissədə istədiklərinizi aldıq. Ən böyük problemlərimizdən biri fiziki durumla bağlıdır. Komandamızla qürur duyuram. Həm hücum, həm də müdafiə xəttində yaxşı oynadıq. 2:0-dan sonra 3 top buraxaraq məğlub olmaq üzücüdür. Bu komanda ilə yaxşı işlər görəcəyik. İnanıram ki, səhvlərimizi düzəldəcəyik. Komandadan razıyam".

Qeyd edək ki Azərbaycan millisi III MDB Oyunlarının gümüş medalını qazanıb.