72 mindən çox müəllimin əməkhaqqına əlavələr ediləcək

Cari il sertifikatlaşdırma üzrə müsahibə mərhələsi bitdikdən sonra 72 mindən çox təhsilverənin əməkhaqqısına əlavələr ediləcək.

"Report" xəbər verir ki, bunu elm və təhsil naziri Emin Əmrullayev yeni tədris ilinə dair keçirilən brifinqdə deyib.

O bildirib ki, ibtidai sinif üzrə ən zəif nəticə göstərən 4 min ətrafında müəllimin müqaviləsinə xitam verilib.

Nazir əlavə edib ki, son 10 ildə müəllimlərin orta aylıq əməkhaqqı üç dəfəyə qədər artıb.