Zaxarova: Marseldəki konsulluqda baş verən partlayışda terror aktı əlamətləri var

Rusiyanın Marseldəki Baş Konsulluğunun ərazisində baş verən partlayışlarda terror aktının bütün əlamətləri var.

"Report" Rusiya mətbuatına istinadən xəbər verir ki, bunu ölkənin Xarici İşlər Nazirliyinin rəsmi nümayəndəsi Mariya Zaxarova deyib.

Rusiyanın Baş Konsulluğundan bildirilib ki, konsulluğun ərazisinə üç partlayıcı qurğu atılıb. Qurğulardan biri partlamayıb, xəsarət alan yoxdur.

LCI telekanalı xəbər verir ki, konsulluğun ətrafı mühasirəyə alınıb və hüquq-mühafizə orqanlarının əməkdaşları şübhəli konteynerin zərərsizləşdirilməsi istiqamətində əməliyyat aparır.