Rusiya XİN: Beynəlxalq təşkilatlar Durovun saxlanmasını pisləməlidir

Beynəlxalq təşkilatlar söz azadlığını qorumaq üçün öz mandatını yerinə yetirməli və teleqramın həmtəsisçisi Pavel Durovun saxlanılmasını pisləməlidir.

“Report” TASS-a istinadən xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

“On milyonlarla sosial şəbəkə istifadəçisi qəzəblənir, maliyyə cəmiyyətinin nümayəndələri və bir çox müstəqil ictimai xadimlər şok vəziyyətindədirlər, lakin neoliberal elita susur. Odur ki, bu vəziyyətdə beynəlxalq müvafiq strukturlardan söz azadlığının müdafiəsi ilə bağlı öz mandatını yerinə yetirməsi, Fransa hakimiyyətinin onları məhdudlaşdıran addımlarını pisləməsi tələb olunur”, - o vurğulayıb.