Bakı. 12 oktyabr. REPORT.AZ/ Yunanıstanın Alonisos adalarında 5,1 bal gücündə zəlzələ olub.
“Report” RİA “Novosti”yə istinadən xəbər verir ki, bu barədə ABŞ-ın Geologiya Xidməti məlumat yayıb.
Yeraltı təkanlar saat 22:49-da (Bakı vaxtı ilə 02:49) Alonisos adalarında, Patitiri şəhərindən 31 kilometr şərqə qeydə alınıb. Zəlzələ ocağı 6 kilometr dərinlikdə yerləşib.
Tələfat və dağıntı barədə məlumat daxil olmayıb.