Bakı. 17 avqust. REPORT.AZ/ Almaniyanın "Condor s 270" aviaşirkətinə məxsus sərnişin təyyarəsi göyərtəsində bomba səbəbindən Yunanıstan Krit adasında yerləşən Hanya hava limanına eniş edib.
“Report” RİA "Novosti"yə istinadən xəbər verir ki, bu barədə"Skai" telekanalı məlumat yayıb.
"Boeing 757-300" Misirin Hurqada aeroportundan Düsseldorf istiqamətində hərəkətdə olub. Təyyarə Krit və Peloponnes arasında olan zaman pilot məcburi eniş üçün icazə istəyib və Bakı vaxtı ilə təqribən 22.30-da Hanya hava limanına eniş edib.
Sərnişinlər və 11 heyət üzvü təcili şəkildə təyyarəni tərk edib.
Aeroporta fövqəladə hallar xidmətinin əməkdaşları cəlb olunub.