Yunanıstanda muzeylərin özəlləşdirilməsinə qarşı tətil keçirilib

Qədim abidələri mühafizə işçilərinin Ümumyunanıstan İttifaqı Mədəniyyət Nazirliyinin muzeyləri özəlləşdirmə siyasətinə etiraz olaraq bütün ölkə ərazisində dörd saatlıq tətil keçirib.

"Report" xəbər verir ki, bu barədə Yunanıstanın "Kosmodromio" xəbər portalı məlumat yayıb.

İttifaq Mədəniyyət Nazirliyinin özəl şirkətlərə tarixi və mədəniyyət obyektlərinə elektron bilet satışına icazə verilməsi ilə bağlı qərarı ilə razılaşmadığını bildirmək qərarına gəlib. Onlar öz bəyanatlarında vurğulayıblar ki, Mədəniyyət Nazirliyinin bu addımı Akropol və digər arxeoloji obyektlərin təhlükəsizliyində ciddi “boşluqlar” yaradır.